Christian Danielsson, pas takimeve me kryeministrin Edi Rama dhe krerët e opozitës Lulzim Basha dhe Monika Kryemadhi, ka dhënë një konferencë për shtyp, ku ka thënë se vendimi i opozitës minon rrugën evropiane të Shqipërisë dhe se nuk ka parë shenja për një dialog të mundshëm. Danielsson gjithashtu tha se reforma në drejtësi ka ecur përpara, duke dhënë rezultate konkrete.
“Unë kam pasur mundësinë të takohesha me kryeministrin Rama dhe udhëheqësit e opozitës. Qershori është vetëm pak muaj larg, kur shtetet anëtare do të diskutojnë ecurinë e Shqipërisë. Ne i kemi kërkuar forcave politike në Shqipëri që procesin e integrimit ta bëjnë mision kombëtar. Është fatkeqësi që nuk ndodh. Forcat politike në vend duhet të marrin vendime të përgjegjshme. Udhëheqja e përgjegjshme është e vetmja mënyrë për të krijuar trajektore për fatin e këtij vendi dhe për ta sjellë në tryezën e negociatave me Bashkimin Europian. Këtë duan edhe shqiptarët. Në takimet e sotme kam qenë shumë i qartë. Sa i përket opozitës, kam theksuar se vendimi i anëtarëve të opozitës për djegien e mandateve minon në mënyrë serioze rrugëtimin e Shqipërisë në BE. Pasiguria duhet eliminuar në mënyrë urgjente, Parlamenti është shtyllë e shtetit. Bojkoti është kundërproduktiv. E drejta për të protestuar është element i rëndësishëm në demokraci, por protestat të jenë të paqta dhe ata që janë përgjegjës që të mos nxisin dhunë, këtë kanë thënë edhe zonja Mogherini dhe zoti Hahn. Nga qershori i kaluar, Shqipëria ka bërë hapa përpara në reformën e drejtësisë dhe procesin e vettingut”, është shprehur Danielsson./Opinion.al
Lexo edhe: Basha pas takimit me Danielsson:Rama i mbaruar,duhen ndryshime kushtetuese
Lexo edhe: Danielsson takon Ramën: Duhet të na bindni në qershor
