Bëri bujë javën e shkuar gjesti i sulmuesit të Çelsit, Diego Kosta, i cili gjatë ndeshjes kundër Lester Sitit bëri me shenjë nga stoli, duke kërkuar ndërrim, por trajneri Antonio Konte nuk e bëri një gjë të tille.
Sulmuesi spanjoll ishte shumë nervoz, duke mos pranuar të bërtiturat dhe orientimet taktike të Kontes, i cili shpesh gjatë ndeshjes u mor me golashënuesin e vet.
Ndërkaq, e përditshmja spanjolle Marca raporton se sherri nuk u mbyll në fushë.
Në dhomat e zhveshjes debati ka vazhduar, shumë i ashpër.
Kosta i ka kërkuar trajnerit të mos e bezdisë më kur është në fushë dhe t’ia thotë vërejtjet në stërvitje, ndërsa Konte i është përgjigjur po aq ashpër, ndaj situata rrezikon të bëhet kaotike dhe që në janar mund të ketë lëvizje.
