Disa orë pas kualifikimit të PSG-së në çerekfinale të Ligës së Kampionëve, duke eliminuar Chelsea, layvin Kurzawa, mbrojtësi i parizienëve bëri një tatuazh të madh në pjesën e përparme të gjoksit dhe barkut. Në trupin e tij, futbollisti në fjalë e përjetësoi këtë moment të karrierës me fytyrën e “Perëndeshës Kali”. Ai e ka ndarë këtë veprim me ndjekësit e vet në rrjetet sociale, konkretisht në llogarinë personale në Instagram.
“Kali” është, në hinduizëm, perëndesha që shkatërron shpirtërat e këqinj dhe i mbron besimtarët. Në statusin shoqërues të fotos, layvin Kurzawa shkruan: “Turi i parë me eliminim direkt i Champions-it përfundoi shumë mirë. Mister @martyearly #Kali goddess #”.
