Një atmosferë e zjarrtë dhe tri pikë që janë shumë të rëndësishme. Në këtë mënyrë mund të përmblidhet sfida e Grupit H e Champions League mes Dinamos së Zagrebit dhe Juventus-it, e vlefshme për javën e dytë të fazës me grupe të kompeticionit më të rëndësishëm italian për klube. Në orën 20:45 kampionët e Italisë do të zbresin në fushën e stadiumit “Maksimir” me synimin për t’u kthyer në rrugën e duhur pas barazimi 0-0 zhgënjyes në ndeshjen e parë kundër Sevilla. Higuain dhe Dybala, i cili pritet të kthehet titullar dhe që nuk ka shënuar akoma në këtë sezon, do të përballen me Dinamon e Sopic, që është mundur 3-0 nga Lyon dhe ndodhet në fundin e grupit.
Por ky fakt nuk e qetëson aspak Juventus-in, që do të hidhte një hap të rëndësishëm drejt kualifikimit në raundin pasardhës nëse do të merrte një fitore në këtë transfertë. Bëhet fjalë për përballjen e parë mes këtyre dy ekipeve në kompeticionet europiane: Dinamo nuk ka arritur kurrë të kalojë fazën me grupe të kompeticioneve të UEFA-s (5 pjesëmarrje në Champions, 7 mes Kupës UEFA dhe Europa League). Vetëm një precedent (pozitiv) për Juventus-in kundër formacioneve kroate: ka qenë sezoni 1979/80, dhe në çerekfinalet e Kupës së Kupave bardhezinjtë kanë eliminuar Rijeka-n (0-0 në takimin e parë, 2-0 në Torino).
Shifra dhe Fakte – Dinamo dhe Juventus janë përballur vetëm një herë në ndeshje zyrtare, në çerekfinalet e Kupës së Panaireve 1966/67. Dinamo ka fituar me rezultatin e përgjithshëm 5-2. Duke barazuar 2-2 në Torino dhe duke fituar 3-0 në Zagreb. – Që nga ajo fitore 3-0 kundër Juventus në 1967-ën, Dinamo ka fituar vetëm dy nga 17 ndeshjet e zhvilluara kundër ekipeve italiane (5B, 10H). – Dinamo është ekipi i fundit kroat që ka fituar një ndeshje në shtëpi në Europë kundër një skuadre italiane. Ka qenë nëntori i 2000-it kur ata kanë mundur Parma-n në Kupën UEFA (1-0). – Ajo ka qenë fitorja e vetme e Dinamos në nëntë përballjet e fundit me skuadrat italiane në një kompeticion evropian (3B, 5H), me Zagrebin që nuk ka arritur të shënojë asnjë gol në pesë nga ato ndeshje dhe ka realizuar vetëm një në katër të tjerat. – Juventus ka fituar vetëm një nga shtatë ndeshjet e fundit të Champions League (1F, 4B, 2H), duke mos arritur të fitojë katër të fundit; ecuria e tyre më e keqe pa fitore që nga nëntori i 2013-ës kur nuk kanë kaluar gjashtë ndeshje pa fitore. – Torinezët kanë fituar vetëm një nga gjashtë ndeshjet e Champions-it të luajtura në transfertë (1F, 3B, 2H), duke humbur dy të fundit. – Dinamo e Zagrebit ka humbur 19 nga 22 ndeshjet e fundit të luajtura në Champions (1F, 2B, 19H), duke përfshirë edhe gjashtë të fundit. – Dinamo ka humbur edhe 8 nga 10 ndeshjet e fundit të zhvilluara në këtë kompeticion (1F, 1B, 8H), duke shënuar vetëm 5 gola dhe duke pësuar 12 në këto 10 ndeshje.
Juventus: Buffon, Barzagli, Bonuçi, Chiellini, Dani Alves, Khedira, Hernanes, Pjanic, Alex Sandro, Dybala, Higuain.
