Shqipëria dështoi që të merrte një vendim pozitiv nga Këshilli i Europës për hapjen e negociatave me BE. Pas këtij vendimi, opozita ka hedhur akuza ndaj qeverisë “Rama”, duke theksuar se e gjithë përgjegjësia bie mbi të.
Ndërkohë, ditën e sotme, kryeministri Edi Rama është shprehur se ka pasur një bisedë telefonike me kancelarin gjermane, Angela Merkel.
Sipas tij, ata kanë folur në lidhje me procesin hapjes së negociatave më BE. Kryeministri thekson se Merkel i ka shprehur mbështetjen e Gjermanisë në rrugëtimin e integrimit të vendit tonë.
Postimi i Ramës
Gjatë një telefonate rreth 45 min me Kancelaren Merkel vendosëm të gjitha pikat mbi “i” për ecurinë e mëtejshme të përpjekjeve të përbashkëta për çeljen e negociatave për anëtarësim. Kancelarja rinënvizoi qëndrimin e Gjermanisë në mbështetje të Shqipërisë. Danke Angela./ Opinion.al
