Deputeti i qarkut të Vlorës, Shkëlqim Selami ka deponuar për afro 25 minuta para hetuesve të strukturës së dekriminalizimit në prokurori. Ai dyshohet për deklarim të rremë në formularët e dekriminalizimit.
Deputeti i LSI e cilëson këtë hetim si një sulm politik, ndërsa sipas të dhënave të Prokurorisë ka dokumente që faktojnë se ai ka qenë i proceduar për trafik të qënieve njerëzore nga dhe ku është dënuar në Brindizi, Itali.
Këtë të martë Shkëlqim Selami, deputet në qarkun e Vlorës për afro 25 minuta ka dhënë shpjegime në Prokurorinë e Përgjithshme mbi statusin e personit ndaj të cilit ka nisur një procedim penal për verifikimin e të dhënave për efekt dekriminalizimi.
Procedimi ka nisur kryesisht nga materialet e publikuara në media ndërsa kjo zyrë disponon po ashtu të dhëna shtetë në lidhje me statusin që Selami ka në raport me drejtësinë në Itali.
Ky procedim sipas burimeve është regjistruar javën e shkuar ndërsa Selami para hetuesve mësohet ti ketë qëndruar versionit të plotësuar prej tij duke mohuar të ketë dijeni për një dënim nga drejtësia italiane.
Sipas të dhënave të seksionit të dekriminalizimit rezulton se ndaj Selamit ka një procedim penal nga prokuroria e Brindizit në vitin 2007 dhe ky procedim lidhet me veprën penale të trafikut të qënieve njerzore.
