Kufoma e një personi është gjetur në det të hapur në afërsi të brigjeve të Sazanit.
Trupi është pikasur nga peshkatarët të cilët kanë njoftuar forcat e policisë kufitare.
Deri në këto çaste nuk ka asnjë të dhënë në lidhje me identitetin e viktimës dhe rrethanat e vdekjes.
Në vendin e ngjarjes kanë shkuar ekspertë të kriminalistikës dhe trupi i pajetë do t’i nënshtrohet ekspertizës mjeko-ligjore.
Sipas burimeve jo zyrtare, dyshohet se viktima mund të jetë një nga personat që humbi rreth një muaj e gjysmë më parë, ku në të njëjtin vend u gjet një skaf i braktisur me drogë dhe kufoma e skafistit.
Kujtojmë se pak kohë më parë, ish-kryeministri Sali Berisha denoncoi në profilin personal në Facebook vdekjen e 20 personave, si pasojë e trafikut të drogës në Vlorë.
Berisha, duke iu referuar qytetarit dixhital, shkruante se 20 djem janë mbytur në Vlorë për shkak të trafikut të drogës.
