Ushtria turke ka bërë me dije me anë të një deklarate se ka marrë nën kontroll vendin në emër të demokracisë, pavarësisht pak minutave më parë, ku kryeministri turk Binali Ylidrim deklaroi se është një grusht shteti në tentativë.
Kryeministri Yilidirim ka shtuar se ushtria po vepron totalisht jashtë zinxhirit komandues, ndërsa forcat e sigurisë janë duke u përpjekur për të zgjidhur situatën.
“Qeveria e zgjedhur nga populli mbetet bnë krye të vendit. Kjo qeveri do të largohet vetëm atëherë kur mos ta dojë populli turk”, tha ai pak minuta më parë.
Ai theksoi se ata persona që janë përgjegjës për një sulm të tillë ndaj vendit, do t’a paguajnë me çmimin më të lartë.
Ylidirim këmbënguli se qeveria është në krye të vendit, pavarësisht disa lajmërimeve të ushtrisë, që deklaraojnë se kanë marrë drejtimin e vendit, për një rend demokratik.
Dy urat mbi lumin Bosfor janë bllokuar nga ushtria turke.
Agjencia e lajmeve Dogan tregoi radhët e makinave dhe autobusëve që ishin bllokuar.
Ndërsa, tanket janë pozicionuar jashtë aeroportit të Stambollit.
Dëshmitarët kanë theksuar se avionë ushtarakë dhe helikopterë kanë fluturuar shumë ulët mbi Ankara, si dhe është raportuar për të shtëna në kryeqytetin turk.
Kjo është një histori lajmi që ka shumë detaje për t’u ndjekur
