Policia e Shtetit vijon operacionin masiv antikanabis në të gjithë territorin e vendit, nga ajri e toka. Mësohet se janë bërë rikontrolle në sera, magazina, depo e tunele, banesa të braktisura, tokë private e tokë shtetërore, në sipërfaqe pyjore dhe kullota.
Po kështu janë bërë kontrolle edhe në të gjithë vijën bregdetare, në basene e ujëmbledhës.
Operacioni drejtohet dhe monitorohet nga Drejtori i Përgjithshëm i Policisë së Shtetit, Haki Çako.
Në të gjithë vendin gjatë 72 orëve të fundit në zona malore të pyllëzuara janë gjetur të kultivuara dhe janë asgjësuar gjithsej 163 bimë Cannabis Sativa. Operacioni masiv do të vijojë pa ndërprerje deri në rikontrollin e plotë të territorit të vendit.
