(Foto ilustruese)
Pas dhunës së mbrëmshme ndaj deputetëve të shumicës së re parlamentare dhe gazetarëve që ishin duke transmetuar seancën e zgjedhjes së kryetarit të Kuvendit të Maqedonisë, protestuesit sot janë mbledhur para zyrës së Bashkimit Europian në Shkup.
Protestuesit të organizuar nga organizata “Për Maqedoni të Përbashkët” janë duke protestuar para zyrës së BE-së, ku po kundërshtohet zgjedhja e kryetarit të Kuvendit dhe formimi i institucioneve të vendit.
Ndërkohë përpara Kuvendit është ndërprerë protesta, duke u hequr edhe tendat, të cilat ishin vendosur mbrëmë në mesnatë.
