Akuzat për një përdhunim të një amerikaneje para 9 vitesh nga ana e Cristiano Ronaldo, janë pasuar me rihapjen e hetimeve nga policia e Las Vegasit.
Kathryn Mayorga sipas mediave dyshohet se është dhunuar seksualisht nga futbollisti portugez më 13 Qershor të 2009. Për të heshtur për ngjarjen e ndodhur në një hotel të Las Vegasit, mendohet se Mayorga mori 375 mijë Dollarë. Në media janë publikuar edhe foto ku Ronaldo ndodhet pranë Mayorga në një lokal nate në Las Vegas.
Vetë Cristiano Ronaldo i mohoi akuzat me anë të një mesazhi në Instagram, duke i quajtur lajme të rreme. Kjo ngjarje u risoll në vemendjen e publikut nga revista gjermane “Der Spiegel”. Pritet të shihet se deri ku do të shkojnë hetimet e policisë amerikane.
