Të gjithë njerëzit që janë tradhtuar kanë përjetuar ndjenja si mërzitja, inati, zhgënjimi, konfuziteti të gjitha së bashku. Pyetja që të gjithë i bëjnë vetes në një situatë të tillë është: ku gabova?
Sipas shkencëtarëve, t’i bësh vetes këtë pyetje është një nga dëmet më të mëdha që mund t’i shkaktoni shëndetit. Disa studiues nga Universiteti i Nevadës, mblodhën 232 studentë të cilët ishin tradhtuar nga një lidhje, për t’i analizuar gjendjen psikologjike dhe fizike. Të gjithë këta persona shfaqnin sjellje të rrezikshme të cilat vinin në rrezik shëndetin e tyre. Gjendja e rëndë emocionale që shkakton tradhtia, mund të çojë në çrregullimin e sjelljes dhe mund të bëjë që këta persona të shkojnë drejt alkoolit, drograve, seksit të pambrojtur apo gjëra si këto. Ndërsa për sa i përket shëndetit mendor, janë shumë më të prirur të shkojnë drejt depresionit.
Por pjesa më e keqe është momenti ku këta persona fajsojnë veten për tradhtinë e partnerit, dhe kjo i bën edhe më të rrezikuar ndaj këtyre sjelljeve të lartë-përmendura. Ndërkohë që ata të cilët fajsojnë partnerin për tradhtinë, janë më të fortë dhe mund ta kalojnë më shpejtë trishtimin e tradhtisë./Opinion.al
