DJ i njohur Vin Veli ka folur për herë të parë në lidhje me divorcin e tij me moderatorën sportive Bora Zemani.
I ftuar në emisionin e pasdites “Rudina”, ai foli më shumë rreth karrierës, por edhe marrëdhines me ish-bashkëshorten.
Lidhur me arsyet e divorcit, Vin Veli tha se është një njeri i sinqertë, por pohoi se ata të dy janë ndarë.
“Si të gjitha lidhjet që nisin mirë, por rrethanat, koha, karriera etj nuk na krijojnë mundësi të jemi më bashkë’’,-tha DJ.
Ai ka pohuar se mes tyre nuk ka pasur tradhti, por ndarja ka qenë një vendim i përbashkët.
‘’Ne kemi marrëdhënie prapë, nuk jemi ndarë me doreza boksi. Ne merremi vesh më mirë kështu.’’- është shprehur ai.
Vin Veli ka rrëfyer se tani që janë ndarë djali i tyre Arbnori rri me të dy, sa me Borën e sa me të.
