Një makinë “Security Spartan” është grabitur ditën e sotme në autostradën Tiranë-Durrës. Mësohet se është grabitur me forcë një makinë në dalje të Megategut. Sipas informacioneve, në momentin e grabitjes, në makinë ka qenë një punonjës i security dhe një i Megateg.
Duke menduar se në makinën që kanë grabitur ka pasur para ata janë larguar në rrugën dytësore të autostradës Tiranë-Durrës, ku në afërsi të një qendre tregtare kanë bërë të mundur edhe kontrollin e mjetit në fjalë.
Kur e kanë parë që në automjet nuk kishte para e kanë braktisur dhe janë larguar.
Njoftimi i policisë
Rreth orës 12:40, në afërsi të Qafë Kasharit, persona të paidentifikuar kanë marrë me forcë një automjet në pronësi të një firme private Security dhe me pas automjetin e kanë braktisur në rrugën dytësore të autostradës Tiranë-Durrës.
Shërbimet e policisë kanë shkuar menjëherë në vendngjarje dhe vijojnë kontrollet dhe krehjen e zonēn ku u gjet mjeti i braktisur me qëllim kapjen e autorëve.
Grupi hetimor nën drejtimin e Prokurorisë po kryen veprimet për administrimin e çdo prove të vlefshme që do t’i shërbejë hetimit për identifikimin e autorëve dhe zbardhjen e ngjarjes / Opinion.al
