Policia Rrugore e Tiranës ka arrestuar 12 persona gjatë natës së të shtunës, duke u gdhirë e diela për drejtim të mjetit në gjendje të dehur dhe pa leje drejtimi.
Burimet nga policia thanë se në një rast, është arrestuar një drejtues mjeti, i cili udhëtonte në krah të kundërt të drejtimit të lëvizjes, ndërsa kishte 11 për qind alkool në gjak.
Gjithashtu, 23 leje drejtimi u pezulluan për drejtim të mjetit nën efektin e alkoolit etj.
Masa të ashpra pati edhe për shkelje të rregullave të tjera të qarkullimit rrugor, si mosvendosje e rripit të sigurimit mosrespektim të semaforit, parakalime të gabuara apo mos respektim të kufirit të lejuar të shpejtësisë.
