Ngrohja globale nuk është më nje fenomen i panjohur, çka ka vënë në alarm shkencëtarët, pasi në Arktik akujt ende nuk kanë formuar trashësinë e duhur.
Për shkak të temperaturave tepër të lartë të detit në Polin verior, shtresa e akullit ende nuk ka filluar që të formohet, dhe deri tani ajo shtresë do të duhej të ishte goxha e trashë, thonë shkencëtarët.
Kjo mund të jetë shenjë se efektet e ngrohjes globale janë shumë më të forta se sa kemi menduar. Këtë vit, ndryshe nga vitet e tjera, jo vetëm që nuk ka filluar të formohet shtresa e akullit të ri, por është duke vazhduar shkrirja e akullit ekzistues, meqë deti është tepër i nxehtë. Shkencëtarët thonë se temperaturat në Polin verior janë të larta, pa precedent, bile deri në 20 shkallë C më të larta sesa mesatarja.
