Autoritetet në Dubai po përpiqen të zbulojnë shkakun e zjarrit të madh, që përfshiu hotelin luksoz 63 katësh në Emiratet e Bashkuara Arabe, gjatë spektaklit me fishekzjarre në ceremoninë e ndërrimit të viteve. Zjarri shkaktoi të paktën 16 të plagosur, por fatmirësisht pa shkaktuar asnjë viktimë.
Zjarrfikësve iu desh 5 orë për menaxhuar situatën dhe për të fikur zjarrin, por gjithësesi një pjesë e ndërtesës së lartë 300 metra, nxjerr tym ende. Shkaku i zjarrit në hotelin luksoz “Address Downtown” nuk dihet ende ende.
Ndertesa në qendër të Dubait ishte shumë pranë Burxh Kalifas, kullës 829 metra të gjatë, që është edhe ndërtesa më e lartë në botë.
Ndërkohë festimet e Vitit të Ri në Filipine kanë shënuar të paktën 1 viktimë dhe 380 të plagosur. Një zjarr fuqishëm ka përpirë rreth 1000 kasolle në kryeqytetin Manila. Sipas mediave lokale ka qenë një i dehur që ka shkaktuar zjarrin, duke fishekzjarr në formë dinamiti.
