Dita e dasmës është shumë afër për Orinda Hutën dhe Turjan Hyskën, të cilët kanë vendosur ta organizojnë këtë ceremoni në ditën kur festojnë 10 vite të dashurisë. Çifti ka treguar disa prej detajeve interesantë të damsës në media dhe prej tyre duket se do të jetë vërtetë një dasmë shumë e veçantë.
E teksa vetëm pak ditë na ndajnë nga kjo ditë e madhe, Orinda ka përjetuar emocione të forta ditën e sotme. Mbesat e saj janë pika e dobët e biondes së njohur, dhe ato ishin arsyeja e këtyre emocioneve. Teksa provonin fustanet e tyre për këtë ceremoni, Orinda nuk i ka mbajtur dot lotët dhe këtë e ka postuar edhe në Instastory me anë të një video.
