Ministri i Ekonomisë dhe Financave, Ervin Mete prezantoi vendimet e marra pas mbledhjes së qeverisë dhe iu përgjigj pyetjeve të gazetarëve për DIVA-n dhe taksën për të dypunësuarit.
I pyetur për DIVA-n deklarimin e të ardhurave vjetore, Meta tha se plotësimi i këtij deklarimi është i nevojshëm për përfshirjen e të gjitha të ardhurave në progresivitetin e taksës aktuale.
Ai shpjegoi se për ndryshime do të mund të diskutohet kur të kalohet buxheti.
“DIVA nuk është një taksë më vete, është deklarata individuale e të ardhurave vjetore. Deklarata në bazë të së cilës secili nga ne, deklaron të ardhurat vjetore dhe ngarkesën fiskale që pastaj do të duhet të paguajë tatime. Qasja bazohet në një parim, që të gjitha të ardhurat që dikush mbledh të mund të deklarohen dhe të gjitha këto të ardhura të përfshihen në progresivitetin e taksës që kemi. Sa i takon ndryshimeve ne, do të kalojmë buxhetin edhe paketë fiskale dhe do kemi mundësinë t’i diskutojmë”, tha Mete.
