Opozita e bashkuar po bëhet gati për protestën e 13 prillit. Të pakta janë detajet nga opozita për mënyrën se si do të zhvillohet kjo protestë, megjithatë nga deklaratat politike kemi kuptuar një skenar.
“ Dita dhe nata janë të popullit opozitar. Do vendosë populli opozitar, por një gjë e di, që do jetë protesta më e madhe që ka parë Shqipëria deri sot. E ftoj krye Kreun e Meduzës të nderojë qoftë dhe një herë atë zyrë që rri në të”, deklaroi ish-kryeministri Sali Berisha në Ora News
Nga ana tjetër Monika Kryemadhi, kryetarja e LSI, përsëriti edhe një njëherë shprehjen se Edi Rama “nuk ka parë gjë akoma”.
“Do të jetë protesta më e madhe. Kemi dëgjuar gjëra nga më të ndryshmet për orarin, e cila do të jetë në orën 18:00, por protesta është spostuar për në këtë orar pasi temperaturat kanë qenë të larta në të shkuarat. Nuk e kishim parashikuar se mund të binte edhe shi. Po të jetë për t’i bërë gjëmën Edi Ramës ia bën kur të duash. Ai ka frikë vetëm për kurrizin e tij. Shumë socialistë do të jenë pjesë e protestës së opozitës”, tha Kryemadhi në A2. /Opinion.al
