Kreu i Komunitetit Mysliman Shqiptar, Skënder Bruçaj dëshmoi sot në të ashtuquajturin procesi i xhihadistëve, që po zhvillohet prej disa muajsh në Gjykatën e Krimeve të Rënda.
Në seancën e zhvilluar pa praninë e kamerave, Bruçaj, i thirrur si dëshmitar nga pala mbrojtëse, ka folur rreth xhamive që kanë qenë jashtë juridiksionit të Komunitetit Mysliman, njëra prej të cilave dhe ajo e Mëzezit, e drejtuar nga imami i vetëshpallur, Genci Balla.
Nga të pandehurit, Bruçajt i është kërkuar disa herë që të sqaronte terma specifikë si terrorizëm, xhihad, ekstremist, apo radikal.
Ai është pyetur nëse i ka Kurani këto terma dhe nëse libri i shenjtë i myslimanëve shpërndan fjalën e xhihadit.
Në seancë nuk është paraqitur ish – kreu i Komunitetit Mysliman, Selim Muça. /Tv Klan
