Cristiano Ronaldo, është më shumë në Marok se sa në fushë për Real Madrid ku në 13 ndeshjet e fundit ka shënuar vetëm 5 gola
Ylli i Real Madrid po komentohet gjithmonë e më shumë për udhëtimet e shpeshta me avion privat në Marok.
Të përditshmet sportive në Spanjë kanë theksuar se Cristriano Ronaldo udhëton disa herë brenda javës për në Marok.
Gazetat sportive thonë se aty shumicën e kohës e kalon me mikun e tij të ngushtë, kikbokserin maroken Badr Hari, dhe madje kanë publikuar dhe foto të tyre që kanë bërë kohë më parë.
Uebi ExtraConfidential.com thotë se golëshënuesi udhëton 4 ditë të javës në Rabat për të takuar Harin dhe merr shumë pak pjesë në stërvitje.
Rabat është rreth 1 mijë kilometër larg Madridit dhe merr 45 minuta kohë fluturim me avion.
“Ylli portugez qëndron nga e hëna në të enjte në Rabat dhe kthehet në Madrid në orën 3 pasdite të së enjtes dhe koha që mbetet stërvitet”.
E ndërsa Reali i Madridit është shqetësuar se udhëtimet dëmtojnë futbollistin, shoku i Cristiano Ronaldos bën shaka me një foto që ka publikuar në Instagram, ku shkruan “Just married’, shqip “Të sapomartuar”. Kikbokseri shfaqet teksa mban në krahë portugezin pranë një pishine. Të dy të qeshur na maksimum.
