Biznesmeni Fatmir Bektashi është marrë sërish në pyetje nga SPAK në lidhje me dosjen “Partizani”.
Ai u pyet për rreth 2 orë e 30 minuta pasi është i akuzuar për korrupsion e pastrim parash, në të njëjtin proces hetimor me ish kryeministrin Sali Berisha dhe dhëndrin e këtij të fundit, Jamarbër Malltez.
Bektashi ka dëshmuar para oficerëve të byrosë Kombëtare të hetimit për të dhënë shpjegimet e tij në lidhje me çështjen e privatizimit të ish-kompeksit sportiv Partizani.
Kujtojmë se Bektashi është nën masën e detyrimit për paraqitje dhe ndalim për të dalë jashtë vendit./Opinion.al
