Qeveria e Kosovës ka marrë vendim të ndalojë hyrjen e automjeteve me targa të Serbisë.
Ky vendim ka bërë që presidenti i Serbisë, Aleksandër Vuçiç të thërrasë një mbledhje urgjente të Këshillit të Sigurisë Kombëtare të martën në orën 10 të mëngjesit, raporton “Novostit”.
Tema kryesore e mbledhjes do të jenë ngjarjet në Kosovë, theksuar vendimin e fundit të Qeverisë së Kosovës për zbatimin e reciprocitetit për targat.
Mëngjesin e sotëm Policia e Kosovës është vendosur në pikat kufitare për të siguruar zbatimin e vendimit më të fundit të Qeverisë së Kosovës. Asnjë veturë që niset nga Serbia drejt Kosovës, nuk mund të kalojë në pikat kufitare, pa u pajisur me targat e përkohshme të Republikës së Kosovës.
Në pikën kufitare në Jarinje, disa serbë kanë bllokuar rrugën dhe po protestojnë.
