Kryetari i Grupit Parlamentar të Partisë Socialiste, Taulant Balla ka folur në një dalje për mediat pasi dëshmoi në SPAK si person që ka dijeni për çështjen e privatizimin të klubit “Partizani”.
Gjatë fjalës së tij, Balla shpreson që SPAK t’i shkojë deri në fund kësaj çështjeje.
Ai bëri me dije se ditën e nesërme rreth orës 11:30 do të jetë sërish në SPAK për një padi penale në ngarkim të Berishës.
“Unë kam qenë shpesh këtu për të depozituar kallëzime penale si person që kam dijeni. Besoj e shpresoj që SPAK do i shkojnë fund akuzave. Kam bërë kallëzim edhe për çështjen e kompanisë OSSH. Unë do jem sërish këtu nesër për një padi penale në ngarkim të Berishës. Në momentin që ndaj teje ngrihet një akuzë duhet t’a adresosh. Dua t’i qëndroj angazhimit që për çështjet që diskutova të mbeten sekret. Unë u thirra si person që ka dijeni.
Unë shpresoj të ketë zhvillime për privatizimin e kompleksit të Partizanit”, thotë Balla./Opinion.al
