Komisioni Evropian ka reaguar ndaj paktit Meloni–Rama, duke thënë se protokolli Itali-Shqipëri zbaton ligjin kombëtar italian.
Sipas zëdhënëses për Punët e Brendshme, Anitta Hipper, BE është në proces të hartimit të një liste të shteteve të sigurta të hartuar së bashku nga shtetet anëtare.
“Ne jemi të vetëdijshëm për vendimin në Itali dhe jemi në kontakt me autoritetet italiane, për momentin nuk ka një listë evropiane të vendeve të treta të sigurta, vendet anëtare kanë lista kombëtare, por pritet që ne të punojmë për të.
Duke iu rikthyer Protokollit Romë-Tiranë, zëdhënësja shpjegoi se “është ligji kombëtar që zbatohet, por edhe standardet që lidhen me mbrojtjen ndërkombëtare të cilat parashikohen nga ligji i BE-së.
Është diçka që parashikohet edhe në paktin për migracionin dhe azilin, për të siguruar që të kemi kritere të përbashkëta”, tha zëdhënësja Hipper./Opinion.al
