Presidenti Ilir Meta,në një konferencë për shtyp, është shprehur qartë se në Presidencë nuk ka mbërritur asnjë kërkesë për autorizim nga kryeministri Edi Rama, lidhur me çëshjen e detit.
Kështu u përgjigj Meta për deklaratat e ministrit të Jashtëm grek, Nikos Dendias, i cili është shprehur se Presidenti i Republikës së Shqipërisë nuk ka dhënë autorizim për negociatat lidhur me çështjen e detit.
Më tej ai shtoi se është i gatshëm të bashkëpunojë me të gjitha institucionet për të dhënë sqarime të mëtejshme për pretendimet e ngritura nga ministri i Jashtëm grek.
“Kryeministri është niveli më i lartë politik, mund të marrë këtë përgjegjësi, sepse është një marrëveshje që kalon në Parlament. Është një marrëveshje që nesër mund të shkojë sërish në Gjykatën Kushtetuese dhe është qeveria që duhet t’i dalë për zot. Pra, ajo që ka thënë ministri i Jashtëm i Greqisë, që Presidenti nuk i ka dhënë autorizim kryeministrit, është tërësisht e pavërtetë. Nuk e paragjykoj, përderisa ka takuar vetëm një palë. Është e drejta e tij t’i referohet vetëm asaj pale. Por, presidenti është i detyruar për transparencë të bëjë të qartë se nuk ka pasur asnjëherë asnjë kërkesë për autorizim nga kryeministri për këtë çështje”,-tha Meta./Opinion.al
