I pyetur nga gazetarët se a ndjehet nën presion për çështjen e skandalit të përgjimeve, Kryetari i Gjykatës së Apelit, Hysni Demiraj thotë se nuk e imagjinon dot si mund t’i bëjë presion dikush.
“Unë jam gjyqtari që kam fjetur 97 ditë me mitraloz në gjykatën e Gjirokastrës në ’97 dhe nuk e kuptoj si mund t’i bëhet presion Hysni Demirit” u shpreh gjykatësi duke folur në vetën e tretë për veten.
“Ju e keni anatemuar edhe në televizor figurën time, është puna juaj, por gjyqtarët që kanë një stash të gjatë, kanë bërë një përzgjedhje shumë të shkëlqyer. Nëse politikë në Republikën e Shqipërisë, kjo trileçja që i thëm unë, e ëmbël, PD, PS, LSI ngërthehen me njëra tjetrën, zbërthehen, krijojnë lobe, ne jemi lidh me gjënë më të fortë që ka planeti.
Me ligjin dhe duke qenë se ne zbatojmë vetëm ligjin, nuk kemi asnjë lloj frikë. Gjyqësori në çdo vend të botës konsiderohet si dhëmbët e hekurt të një shtetit. Shteti vetë përpiqet t’i dobësojë dhëmbët e tij. Atëherë kush fiton? Krimi dhe vetëm krimi!” ishte përgjigja e Hysni Demirit për presionet e qeverisë.
Në gjykatën e Apelit pritet të merret vendim për pezullimin e Haki Çakos, një proçedurë që duket se do të zgjasë disa muaj për shak të ngarkesës që kanë gjyqtarët.
Dy dite me pare kryetari i opozites Lulzim basha u shpreh se ka nisur presioni dhe ndaj gjyqtarit te Apelit lidhur me ceshtjen e pergjimit, qe penalizoi Haki Cakon.
Ndersa kryeministri Edi Rama dhe ministri i Brendshem Saimir Tahiri artikuluan akuza ndaj gjyqtareve, e konkretisht ndaj gjyqtarit Arian Aliaj qe dha vendimin e epzullimit nga puna te Kryepolicit, Haki Cako.
Vendimi u dha me kerkese te Prokurorise. Rama etiketoi gjyqtarin si ‘killer’ pasi ka dhene me shume se njehere vendime, sipas tij, duke liruar vrases e perdhunues. Tahiri tha se, gjyqtari u nderrua qellimisht, vetem e vetem qe Cako te hiqej nga detyra e te konsiderohej ‘fajtor’ per pajisjen e pergjimit qe sipas Prokurorise u fut dhe u perdor ne menyre te paligjshme ne Shqiperi.
