Ministrja e Jashtme Olta Xhaçka u është përgjigjur deklaratave të homologutë të saj grek për çështjen e Fredi Belerit.
Xhaçka thotë se Bleri tashmë është çështje e drejtësisë dhe se fqinjët greke nuk janë të vetmit që kanë të drejtë për këtë çështje.
Ndër të tjera, ministrja thekson se i ka bërë të qartë homologut grek se çështjen Beleri nuk duhet të niset nga ligji grek, por nga ligji shqiptar.
Reagimi i plotë:
Nuk ka mundësi që miqtë & fqinjët tanë grek të jenë të vetmit që kanë të drejtë,kur këmbëngulin në një kërkesë të rrëzuar nga gjykatat shqiptare dhe të qartë për miqtë e partnerët e tjerë, të cilët thonë se kjo është një çështje e drejtësisë shqiptare!
Organet e reja të drejtësisë shqiptare kanë folur qartë me vendimet e tyre dhe qeveria shqiptare ka folur qartë po ashtu: Çështja e betimit të kryebashkiakut të ndaluar nga drejtësia është një çështje e drejtësisë. Jo e qeverisë shqiptare. As e qeverisë greke.
Homologut tim grek për të cilin kam shumë respekt, i kam thënë se për këtë çështje nuk duhet të niset nga ligji grek por nga ligji shqiptar.
Dhe sipas ligjit shqiptar, s’ka vullnet politik që e nxjerr zotin Beleri nga burgu apo që fut noter në burg që ai të bëj betimin si kryebashkiak.
Me keqardhje po kjo është kështu dhe vetëm kështu.
