Kreu i KQZ, Ilirjan Celibashi iu ka bërë thirrje emigrantëve që të ndjekin videot ndihmëse në platformën PER për të mësuar se si të regjistrohen.
Përmes një postimi në rrjetet sociale, Celibashi shkruan se në këtë platformë mund të riaplikohet pa limit deri më datë 4 Mars.
Sipas kreut të KQZ, gabimet më të shpeshta emigrantët i bëjnë në ngarkimin e fotos personale apo vendosjen e vendodhjes së tyre.
Postimi i plotë:
“Që nga data 11 Janar 2025 në Platformën PER, tek Butoni NDIHMË gjenden videot, tutorialet dhe manualet ndihmuese për regjistrimin si Votues Nga Jashtë.
Lutemi aplikuesit t’i shohin me vëmendje para se të gabojnë me aplikimin e tyre si në fotot në vijim. Në PER mund të riaplikohet pa limit deri në 4 Mars 2025, ndaj KQZ Shqiperi sjell në vëmendje Butonin Ndihmë dhe Qendrën e Ndihmës Non-Stop të PER tek i njëjti buton. Shpërndajeni postimin për të informuar miqtë dhe të afërmit tuaj jashtë vendit”, shkruan Celibashi.
