“Platformat e KQZ janë gjendur nën sulme kibernetike”. Kështu është shprehur në një konferencë për mediat kreu i Komisionit Qendror të Zgjedhjeve, Ilirian Celibashi.
Gjatë fjalës së tij ai zbuloi se sulmet kanë ardhur nga jashtë vendit, dhe një pjesë e këtyre sulmeve nuk kanë qenë sulme diletantësh, por kanë qenë të organizuara, të sofistikuara dhe jo rastësore.
“Kanë qenë të gjitha nga jashtë, të krahasueshme me sulmet që kanë pasur vende të tjera për situata të ngjashme, si Franca, Estonia”, tha ai, ndërsa shtoi se KQZ ka raportuar te institucionet përkatëse, si ato të sigurisë kibernetike.
“Mund të bëj publike sot së platformat e KQZ, duke filluar nga jo e regjistrimit të votuesve nga jashtë, janë gjendur nën sulme kibernetike. Kemi komunikimin me institucione përkatëse, si ato të sigurisë kibernetike dhe sot që lidhen me ndjekjen ligjore të këtyre rasteve sa herë që janë evidentuar.
Nga informacionet që kemi, një pjesë e këtyre sulmeve nuk kanë qenë sulme diletantësh, por kanë qenë të organizuara dhe të sofistikuara dhe jo rastësore. Kanë qenë të gjitha nga jashtë, të krahasueshme me sulmet që kanë pasur vende të tjera për situata të ngjashme, si Franca, Estonia”, u shpreh Celibashi.
