Nga Maksim Çela
Të nderuar kolegë, po i drejtohem në facebook atyre miqve që kanë lidhje me mjekësinë.
Sot dëgjova çudinë e radhës ku Ministri Beqaj tregoi se vdekja tragjike në maternitetin Koço Gliozheni (dyfishe) ka ndodhur për arsye të “hemoragjisë në shpretke”. Në fakt gjatë praktikës sime si mjek këtë syndrom nuk e kam hasur dhe (duke qene se kam qenë 5 ditë me pushime) mendova të kontrolloj se çfarë ishte kjo nosologji e re dhe kontrollova tek ëiki, Merk Dictionary dhe në asnjë vend nuk gjeta hemoragji nga shpretka (kishte 11 lloj hemoragjish që nuk është vendi ti permend, por në asnjë vend nuk pashë hemorragji nga shpretka. Pra nuk e kuptoj ku e kane psonisur këtë “diagnoze”.
Sipas raportimeve të familjarëve, duke hequr pjesen subjektive (pritjes, barelave etj.) duket se ajo ka qenë në një gjendje shoku hemorragjik ku hemoglobina po binte me shpejtësi, mendoj se është e gabim të sorrollatet 5 orë e gjysëm në QSUT, Sanatorium.
Mjekët që e kanë pritur të sëmuren duhet të dinin se në tilla raste shoku ka një protokoll në bote që quhet FAST (focused abdominal sonography technique) e cila për tre minuta të vë në dukje diagnozën e shokut hemoragjik e cila bëhet vetem me nje EKO të abdomenit.
Ky gabim ndodh sepse ata kanë mbaruar për Obstetër dhe në kurrikulumin e tyre nuk e kanë bërë këtë lloj ekzaminimi. Ata dinë të bëjnë vetëm eko të uterusit, vezoreve, barrës dhe tu kërkosh të shtyjnë sondën e ekos pak më lart nuk dinë ta bëjnë, duke harruar që organizimi funksionon si një i tërë.
Mendoj se nga ky rast duhet të nxiren mësime që në kurrikulumin e mjekeve OB ,Urgjencës të futen EKOGRAFIA E URGJENCES e cila sot ne bote eshte dege më vete.
Nuk dua teë jem në rolin e Kasandrës por po nuk u morën masa edhe të karakterit organizativ veç atyre që përmenda me lart, tragjedi të tjera do të na presin me këtë sistem shëndetësor të dështuar dhe të paafte, për të mos thënë fjalë të tjera…
*Pedagog në Universitetin e Mjekësisë
