Fabio Capello ka folur për situatën në të cilën ndodhet Barcelona, por edhe për Real Madridin, që u rifut në luftën për titull në La Liga, falë gabimeve të pafalshme të katalanasve.
Trajneri i mirënjohur italian thotë se te kampionët e Europës në fuqi kanë humbur lojtarët me karakter, të cilët dinë të karikojnë grupin në dhomat e zhveshjes. “Një kapiten, si Puyol, i mungon Barcelonës në këtë kohë, – thotë Capello, ishtrajneri i Real Madridit. – Skuadra katalanase ka humbur shumë pikë dhe është në vështirësi të mëdha.
Nga larg nuk mund ta dish se çfarë po ndodh në këtë kohë me Barcelonën, por ka nevojë të shërohet fizikisht dhe mendërisht.
Po ashtu, në qoftë se ju bazoheni vetëm te tre lojtarë, sikurse është tredhëmbëshi MSN, është e
vështirë për të fituar gjithmonë. Ka raste kur trajneri mund të përpiqet për t’i ndryshuar gjërat në një mënyrë, por në qoftë se nuk ka një lider në skuadër, është e padobishme.
Unë do të jap një shembull. Këtë vit, në një kohë kur Juventus ishte dhjetë pikë prapa Interit, veteranët bardhezinj, Buffon dhe Chiellini, i dhanë zemër skuadrës, duke thënë se nuk mund të vazhdojë më kjo rrokullisje.
Trajneri mund të thotë atë që dëshiron, por nëse lojtarët nuk luftojmë së bashku nuk del dot nga kriza.
Zidane dhe Real Madrid kishin “vdekur” para ndeshjes kundër Barcelonës dhe tani e shohin veten plotësisht në garë për titull.
Po luajnë shumë mirë në Ligën e Kampionëve. Unë mendoj se rezultatet janë më të rëndësishme dhe të themi se Zidane është duke bërë një punë të shkëlqyer.”
Pas këtij gjykimi, i natyrshëm për Capello ka qenë pyetja: Messi, nuk është lider? “Messi është një lojtar fantastik, lojtari më i mirë në botë përgjithmonë, për mua. Sa herë që Barcelona nuk do të fitojë, faji është i Messit,” – shton Don Fabio.
