Sekretari i ri i Jashtëm i Britanisë së Madhe, David Cameron, ka zhvilluar vizitën e tij të parë zyrtare në Ukrainë, ku ka takuar Presidentin e Ukrainës, Volodymyr Zelensky në Kiev.
Gjatë vizitës, Cameron premtoi se Britania do të vijojë të japë “mbështetje morale, diplomatike, ekonomike dhe ushtarake” për Ukrainën “për sa kohë që duhet”.
Sekretari i Jashtëm i sapoemëruar shtoi: “Doja që kjo të ishte vizita ime e parë. Personalisht, unë admiroj forcën dhe vendosmërinë e popullit ukrainas.
“Dhe ajo që dua të them duke qenë këtu është se ne do të vazhdojmë t’ju japim mbështetjen morale, mbështetjen diplomatike mbështetjen ekonomike, por mbi të gjitha mbështetjen ushtarake, jo vetëm këtë vit dhe vitin e ardhshëm, por sado kohë që të duhet. ”
Presidenti i Ukrainës tha se dyshja diskutuan furnizimin me armë për forcat e tij që luftojnë kundër pushtimit rus kur u takuan në Kiev.
Zelensky tha: “Ne patëm një takim të fokusuar në armët për vijën e parë, forcimin e mbrojtjes ajrore dhe mbrojtjen e njerëzve tanë dhe infrastrukturës kritike.
“I jam mirënjohës Britanisë së Madhe për mbështetjen e saj!”
Ish-kryeministri Cameron u bë Sekretar i Jashtëm të hënën dhe vizita e hershme në Ukrainë synon të tregojë mbështetjen e vazhdueshme të Mbretërisë së Bashkuar për vendin.
