Policia e ka reaguar pas informacioneve të qarkulluara në media, ku thuhej se në një shkollë në Tiranë është evidentuar rasti i përdorimit të një çamçakëzi që përgjum fëmijët.
Policia sqaron se kanë marrë kontakte me drejtuesit dhe stafet pedagogjike të të gjitha shkollave të Tiranës, dhe po ushtrojnë kontrolle për verifikimin e rastit në fjalë.
“Drejtoria Vendore e Policisë Tiranë i bën thirrje të gjithë qytetarëve të njoftojnë menjëherë Policinë në rast konstatimi të këtyre substancave”, thuhet në deklaratë.
Ndëkohë, vijon puna për sqarimin e rrethanave të këtij rasti të publikuar.
