Kryetari i Këshillit Kombëtar të Partisë Demokratike, Edi Palok ka bërë publik një rast kërcënimi, që sipas tij i janë bërë një qytetari që publikoi një video të shit-blerjes së votës.
Në një konferencë për mediat, Paloka tha se denoncuesi, i cili punon si taksist, është kërcënuar nga dy persona që i janë afruar në vendin e punës.
“Blerja e votës është bërë normale tashmë në Shqipëri. Denoncuesi, që punon taksi, i kanë vajtur dy persona që e kanë kërcënuar. Fjalët kanë qenë “çfarë i ke bërë vetes me atë që ke nxjerrë, do ta shohësh ç’do të bëjmë”. Kërkojnë t’ju mbyllin gojën denoncuesve.
Po marrim në mbrojtje publike Lulzimin. Kush mendon se mund të bëjë ç’të dojë me demokratët, e ka gabim. Rama nuk luan dot me demokratët. Kur njerëzit tanë kapnin kriminelët elektoralë duke blerë vota, vinte policia dhe arrestonte/procedonte atë që kishte kapur hajdutin, sepse policia është palë me këta”, tha Kryetari i Këshillit Kombëtar të PD, Edi Paloka.
