TIRANË- Ilir Meta është shprehur se Byroja e Hetimit nuk duhet të kalojë në Parlament si draft i veçantë por si pjesë e reformës në drejtësi.
Ilir Meta:
“Unë kam patur që në fillim besim se reforma në drejtësi do të realizohet në kohën e duhur dhe me cilësinë e duhur dhe jam i habitur se dëgjoj alarme të panevojshme se pse nuk po miratohet. E gjithë axhenda e kësaj reforme deri tani ka ecur sipas afateve të parashikuara. Të gjitha palët në vend kemi pranuar se Komisioni i Venecias është gjykatësi më i mirë.
Lidhur me çështjen e Byrosë së Hetimit ne e kemi votuar ngritjen e kësaj Byroje dhe më pas Gjykata Kushtetuese e rrëzoi. Më pas debati u kthye me insistimin e PD-së. Ne kemi qene dakord se duhet të pritet Venecia. Unë kam besim të plotë se do të reailozhet si pjesë e kuadrit të reformës në drejtësi”.
