TIRANE- Kryetari i Parlamentit, Ilir Meta tha në Parlament se përfaqësuesit e Partisë Demokratike edhe pse kërkuan në Konferencën e Kryetarëve që projekti të hynte me procedurë të përshpejtuar, asnjë prej tyre nuk kishte asnjë projekt
përfundimtar me vete.
“Ministrja dha sqarimin e saj, unë mund të bëja një sugjerim për grupin parlamentar të Partisë Demokratike. Duke përshëndetur faktin që ata janë dakortësuar me këtë iniciativë, e cila u miratua një herë nga ky Parlament dhe më pas u rrëzua nga Gjykata Kushtetuese për mos pajtim me parimet e Kushtetutës, që atë variant për të cilin Partia Demokratike është dakord, ajo mund ta depozitojë në Kuvend dhe ndërkohë ai variant mund të ndjek rrugën e vet sipas procedurave parlamentare” tha Meta.
Sipas tij, debati është i panevojshëm, sepse nuk është e qartë se për cilin variant bëhet fjalë. “Por, atë variant për të cilin është dakord Partia Demokratike mund ta depozitojë në Kuvend sipas Rregullores së Kuvendit dhe ne do ta ndjekim atë me prioritet besoj” .
