TIRANË- Një sërë rrugësh në Tiranë, kryesisht ato rreth stadiumit Qemal Stafa do të jenë të bllokuara nga ora 12:00 deri në përfundim të ndeshjes dhe shpërndarjes së tifozëve.
Masat merren për zhvillimin normal të ndeshjes Bylys-Partizani e vlefshme për Superligën, por që na fakt paralizon pjesën tjetër të jetës që zhvillohet në këtë zonë
Kjo ndeshje që luhet në orën 17:00 në “Qemal Stafa” do të bllokojë lëvizjen e lirë të njerëzve dhe makinave nga ora 12:00 deri rreth orës 19:00
Njoftimi i policisë
Në kuadrin e masave të marra për garantimin e zhvillimin normal të këtij aktiviteti sportiv, njoftohen të gjithë qytetarët, nisur nga ora 12:00 datë 12.12.2015 deri në përfundim të ndeshjes së futbollit do të ketë ndalim qëndrimi dhe parkimi të mjeteve në zonat përreth stadiumit” Qemal Stafa”.
Gjithashtu duke filluar nga ora 14:00, do të ketë kufizime të qarkullimit të mjeteve në të gjitha segmentet që lidhen me Stadiumin Kombëtar “Qemal Stafa” Policia e Tiranës kërkon mirkuptimin e qytetareve, për të shmangur qarkullimin me mjete në këto segmenre rrugore.
