Juristi i njohur dhe kandidati i PD në Durrës, Oerd Bylykbashi ka reaguar për kërkesën e LSI dhe PDIU për numëruesin e 3-të dhe të 4-t në KQZ.
“SHPK dhe qypi i turshive dashkan nga nje numerues ne kundershtim me ligjin. Edhe nje e kane teper, sepse pazari, tepsia dhe kusia duhet e do te marrin fund me Republiken e Re!”, shkruan Bylykbashi në facebook duke ironizuar me SHPK partinë e Ilir Metës dhe me qyp turshish partinë e Shpëtim Idrizit.
Reagimi i tij erdhi pas kërkesës në KQZ të këtyre dy partive që do të propozojnë anëtarin e tretë e të katërt të grupeve të numërimit të votave për zgjedhjet e 25 qershorit.
