Koncepti i një Superlige Europiane ka tërhequr gjithnjë e më pas bisedimeve sekrete pesë klubet më të mëdha të Anglisë. Përfaqësues nga Manchester United, Chelsea, Arsenal, Manchester City dhe Liverpool u takua me miliarderin amerikan, Stephen Ross, për të diskutuar mbi një garë, që mund të shohë elitën e futbollit anglez të bashkuar me klubet e tjera të nivelit të lartë në Europë.
“The Sun” kupton se planet e para janë për një Superligë Europiane me 20 skuadrat më të forta, me 15 vende të garantuara, e përbërë nga kontigjenti anglez, plus katër klube nga Spanja, si dhe të tjera nga Gjermania, Italia e Franca.
Dhe nuk është çudi. Koncepti do të minimizojë rreziqet e skuadrave, që humbasin miliona duke mbetur jashtë Ligës së Kampionëve, çdo sezon, nëse ato dështojnë të kualifikohen. Për më tepër, një kampionat i nivelit të dytë, i përbërë nga ekipe skandinave, mund të formohet, po ashtu. Barcelona, Real Madrid, Bayern Munich dhe AC Milani do të jenë zgjedhje automatike për këtë revolucion europian të futbollit. Por, në vende të tjera presin ethet e arit, me drejtuesit e lartë të klubeve të dëshpëruar të ndjekin bisedimet “klandestine” të së martës në Londër.
Ky projekt ka një vlerë neto prej më shumë se 3 bilionë £ dhe do të garantojë shumë para për klubet që do t’i bashkohen, së bashku me marrëveshjet e mëdha televizive. Këtu kemi marrë 11 klubet kryesore, nga Franca, Gjermania, Italia dhe Spanja, të cilët janë në mesin e projektit të një Superlige europiane, së bashku me Manchester United, Chelsea, Arsenal, Manchester City dhe Liverpool.
