Ervin Bushati, ambasadori i Shqipërisë në Shtetet e Bashkuara të Amerikës, përmes një postimi në rrjete sociale, ka ndarë një foto së bashku me Sekretarin Amerikan, Marco Rubio.
Përveç fotos Bushati shkruan se i ka përcjellë sekretarit amerikan ftesën e kryeministrit, Edi Rama, për të vizituar kryeqytetin shqiptar.
Në postim, ambasadori shkruan se ftesa ishte e shoqëruar me dy arsye, së pari se Shqipëria është një “mrekulli e diplomacisë Amerikane”, e së dyti, kjo ftesë vjen dhe në emër të një kombi të vogël, por me zemër të madhe si Nënë Tereza.
Ambasadori cilësoi se Rubio e ka pranuar këtë ftesë të Ramës, si “një vend që e vlerëson si kontributor në NATO, sidomos pas vizitës së fundit në Hagë”
Postimi i Ambasadorit Ervin Bushati
“Sekretari Marco Rubio është mik i Shqiptarëve.
Në emër të KM RAMA e ftova te vizitojë Tiranën; Portën e Ballkanit për US, për dy arsye:
- Shqipëria është edhe një mrekulli e diplomacisë Amerikane: nga një diktaturë komuniste që njihej si “Koreja e Veriut në Europë”, sot në vendin më pro Amerikan & pro NATO kudo.
- E ftova edhe në emër të një kombi të vogël, por me një zemër të madhe si Nënë Tereza: mesazhi ynë nesër për në EU “më shumë Dashuri edhe më shumë shërbim me përulësi”.
- Secretari Rubio pranoi ftesën me kënaqësi – në funksion edhe të agendës shumë të njgjeshur të Diplomacisë Amerikane sot- të vizitojë “një vend që e vlerëson si kontributor në NATO, sidomos pas vizitës së fundit në Hague”.
4 Korrik nuk është thjesht Dita e Pavarësisë së SHBA – është Deklarata e Lirisë & Demokracisë për gjithë Botën tonë”, shkruan Bushati në rrjete sociale.
