Ardian Kuka, i cili vrau bashkëshorten e tij pak ditë më parë dhe që u gjet i mbytur pak orë pas ngjarjes, vuante nga skizofrenia. Ky është rezultati i ekspertizës mjeko ligjore.
Sipas mjekëve, autori i ngjarjes në gjendje të rënduar psikologjike dhe mendore pas krimit të kryer është mbytur me vullnetin e tij në det.
Fillimisht ai ka pirë ujë derisa ka humbur ndjenjat dhe për pasojë është mbytur. Dallgët e kanë nxjerrë në breg të detit në plazhin e sektorit Rinia.
Vrasja ndodhi më 19 korrik, ndërsa një ditë më pas Ardian Kuka u gjet i mbytur. Ngjarja e rëndë erdhi pas një konflikti mes bashkëshortëve, prindër të një fëmije.
Shkak për krimin dyshohet të jetë bërë xhelozia e burrit, pasi gruaja së fundmi kishte filluar punë në një çerdhe publike./ Opinion.al
