Të tjera detaje kanë dalë nga aksidenti i regjistruar në orët e para të mëngjesit të sotëm në Burrel.
Sipas news 24 të lënduar kanë mbetur anëtarët e një familjeje dibrane, gjyshërit, prindërit dhe dy fëmijët, të cilët janë transportuar në Spitalin e Burrelit, ku njëri prej tyre është sjellë me urgjencë në Spitalin e Traumës, në Tiranë.
Mësohet se familja rrinte me banim në Tiranë, por kishte shkuar dje në Dibër për një rast gëzimi. Ata ishin nisur sot drejt kryeqytetit me makinën e tyre, ku për shkak të lagështirës dhe rrugës së amortizuar, drejtuesi i mjetit ka humbur kontrollin dhe ka rënë përmbys poshtë urës.
Ka qenë njëri prej anëtarëve të familjes, i cili ka mundur të dalë nga mjeti dhe të kërkojë ndihmë, duke shmangur tragjedinë dhe duke shpëtuar të gjithë anëtarët e tjerë të familjes.
Sipas policisë aksidenti ndodhi rreth orës 06:30, në aksin rrugor Burrel-Ulëz, në vendin e quajtur Bushkash./Opinion.al
