Kryetari i Bashkisë së Tiranës Erion Veliaj ka kërkuar që banorët e Astirit që i priti në takim dy ditë më parë të mbajnë fjalën për shembjen e banesave të tyre.
“Faleminderit Ukës nga Tropoja, Gëzimit nga Burreli dhe Hoxhës së Astirit, Diamantit nga Kukësi – perfaqesues te familjeve nga Unaza e Re qe bashkepunuan per te ardhmen e kryeqytetit. Pres nga sot qe burrash te mbajme fjalen – ata per prishjet e ne per kompesim e sistemim”, shkruan Veliaj në Tëitter.
Por edhe disa prej banorëve të Unazës së Re (Astiri) shkuan në takim me Veliajn, pjesa më e madhe e tyre janë çdo ditë në protestë, duke kërkuar dëmshpërblim 100 për qind për banesat që do shemben.
Ata thanë se edhe sot në orën 17:00 do të mblidhen si çdo ditë në protestë. Më tej banorët shprehen të shqetësuar se policia po arreston njerëzit e tyre. Vetëm sot ka nisur procedimi penal për 3 prej tyre, Besim Ceku Kujtim Ylli të cilët një natë më parë hoqen betonet e vendosura nga ARRSH në rrugë.
