Drejtori i Përgjithshëm i Burgjeve, Klevis Qose, ka folur në Komisionin e Sigurisë Kombëtare lidhur me ngjarje në burgun e Peqinit, ku me anë të një droni u futën celularë dhe dronë.
Prezent në këtë komision ishte edhe deputeti Ferdinand Xhaferri, i cili ka deklaruar se situata është shumë rëndë, mbi situatën në burgje.
Ai tha se këto institucione për vuajtjen e dënimit janë kthyer në hotel me 5 yje për të burgosurit.
“Ditët më të errëta lidhur me Drejtorinë e Burgjeve. Futen armë në burg, vriten të burgosur, ekspozohen shkresa zyrtare që burgu i Peqinit ishte kthyer në hotel me 5 yje. Aty ku ishin bosët e krimit.
Burgu i Durrësit, hotel me 5 yje për të burgosurit e korrupsionit të politikës. Degradim që nuk ka shpatulla ta mbajë as drejtoi i burgjeve as ministri, porosia është nga kryeministri. Ndaj guxojnë titullarët e burgjeve të degradojnë institucionin aq sa kthehet në një hotel me 5 yje, Ndaj thoni sot ka një hetim dhe jo një përgjigje.
Droni në burgun e Peqinit. Ka pasur një tender për bllokimin e valëve në burgje. Pse nuk ka funksionuar? Pse nuk vendoset një “Perde” në atë burg të sigurisë së lartë? Përgjigjet janë brenda burgut”, u shpreh ai.
