Gjykata britanike ka vendosur që të dënojë me 3 vjet e gjysmë burg një shqiptar, i cili u kap vitin e shkuar me 3 kg kokainë të pastër.
Ai është 26-vjeçari shqiptar, Eduard Duli i cili u kap në Igëllsfilld të Britanisë në nëntorin e shkuar me 3 kg kokainë në mjetin e tij.
Droga thuhet se vlente 240 mijë paund po të shitej në tregun e zi. Gjykata e Edinburgut në Skoci, pasi lexoi vendimin, theksoi se shqiptari do të dëbohet në përfundim të tij për në Shqipëri.
Kjo sepse ai kishte hyrë në Britani në mënyrë të paligjshme. Shqiptari kishte përdorur identitetin Domeniko Vinçi, të një italiani 28-vjeçar./Panorama
DEKLARIMI
Gjatë kontrollit në mjetin e tij, shkruan BBC, u gjetën plot 3 kg kokainë si edhe 2 mijë paund në prerje 20 paundëshe.
Droga së bashku me paratë ishin fshehur në një çantë pranë baterisë së automjetit. Duli tha para oficerëve të policisë se droga ishte e tij dhe se ishte gati ta shpallte veten fajtor, të kryente dënimin dhe të kthehej në Shqipëri.
