Bujar Spahiu është rizgjedhur këtë të shtunë kryetar i Komunitetit Mysliman të Shqipërisë.
Me 82 vota, Spahiu fitoi zgjedhjet kundër Eduard Shefkiut, Administrator i Myftinisë së Durrësit dhe Emirjon Vathajt, Myfti i Beratit.
Ky është mandati i dytë për Spahiun, i cili u zgjodh për herë të parë më 2 mars të vitit 2019.
“Më keni ngarkuar sot një përgjegjësi të madhe. Do të ndjek me përgjegjësi parimet e fesë. Jam i hapur ndaj çdo kritike konstruktive. Gjithkush nga ju do gjejë nga institucioni një shkëmbim të lirë të ideve”, ka deklaruar ai.
Ndërkohë, para Medresesë së Tiranës, disa dhjetëra besimtarë kanë zhvilluar një tubim, për të kundërshtuar manipulimin e zgjedhjeve që sipas tyre po ndodh në KMSH dhe uzurpimin që po i bëhet institucionit nga ndjekësit e Gylenit.
