Regjisori, skenaristi dhe aktori i mirënjohur shqiptar Bujar Kapexhiu, mbrëmjen e djeshme ishte një nga personat që mbajti fjalim para qytetarëve gjatë manifestimit të organizuar nga Presidenti Ilir Meta.
Në një interviste televizive, Kapexhiu e konsideron 2 marsin si një kthesë për situatën politike, ndërsa thekson se Pranvera Kuqezi duhet të fuqizohet derisa të arrijë Pranvera e vërtetë.
Po ashtu ai jep të njëjtin propozim si Opozita e Bashkuar sa i përket zgjidhjet së krizës politike, pra zgjedhje të parakohshme parlamentare dhe lokale në të njëjtën datë.
“Unë nuk mendoj se do e ndryshojë Meta, Basha por të gjithë ne. Duhet të grumbullohen të gjithë. Edhe ata kur të shohin që Bulevardi mbushet plot do t’i vendosë gishtit kokës. Të gjithë ne duhet, që fillimi i kësaj Pranvere, të fuqizohet dhe të vijë vërtet Pranvera kuqezi. Përpara të panjohurës themi se kërkesat janë të njërës palë që duhet Kushtetuta, të mbrohet ajo, gjithçka të jetë sipas ligjeve. Nuk di si do sillet pala tjetër. Ata që e pengojnë ,e manipulojnë, shkelin këta nuk di si do veprojnë. Jam i bindur se historia ka treguar kur të gjithë janë bashkë ka fituar. Nëse vijojmë me këtë rrugë në këtë intensitet edhe më të madh dhe të arrijmë atë që është e vërtetë, e ligjshme, e pranueshme për të gjitha palët,”– ka thënë Kapexhiu./ Opinion.al
