Aktori Laert Vasili ka pretenduar se është dhunuar pasditen e djeshme në oborrin e Teatrit nga mbështetës të “Aleancës për Mbrojtjen e Teatrit”.
Në rrjete sociale është publikuar një foto ku ai shfaqet e shtrirë në spital dhe gjithashtu një video ku dëgjohet konflikti mes tij dhe personave mbështetës të “Aleancës për Mbrojtjen e Teatrit”.
Ndërkohë sipas një komunikate nga “Aleanca për Mbrojtjen e Teatrit” është thënë se Vasili ka kryer një akt vandal duke grisur parrullën tek Teatri Kombëtar dhe se vetëm është realizuar përpjekja që ai mos të largohet pa ardhur forcat e policisë.
Megjithatë ditën e sotme regjisori Robert Budina është marrë në pyetje nga policia lidhur me akuzat e bëra nga Vasili. Më pas Budina ka dhënë një prononcim për mediat ku mohon se është ushtruar dhunë ndaj aktorit.
“Ky është një sulm personal i Laert Vasilit, i cili po përpiqet të zvogojë kauzën tonë, ta bëjë pis atë. Jam shumë i lumtur se me lëvizjen tonë, kemi arritur të vertetojmë se këto “skandale” të vogla nuk arrijnë dot të na përçajmë apo intimidojnë”,-ka theksuar ai.
Më pas regjisori Budina tregoi versionin e tij sesi kishte ndodhur ngjarja e një dite më parë:
“Sapo kishim dhënë një shfaqje me trupën austriake dhe po përcillnim trupen austriake, kur u lajmërova se personi në fjalë grisi parullën tek teatri. Kur shkova, gjeta disa njerëz që konfliktoheshin me aktorin dhe u përpoqa ti ndajë. Nuk ka patur dhunë, por vetëm shtyrje. Ai ka pretendimet e veta. Ne duam provat dhe dëshmitë. Ai ka grisur posterat e Avni Delvinës, por lufta jonë nuk është personale siç e paraqet Vasili, është luftë konceptesh. Ai s’ka forcë për ta dëmtuar kauzën tonë. Dhe sa i përket provave le të hapen kamerat e sigurisë së Ministrisë së Brenshme”.-ka përfunduar ai./Opinion.al/
